Umusifuzikazi Mukasanga Salima Radhia wanditse amateka muri Africa agiye kwitabira umuhango ukomeye

Umusifuzi mpuzamahanga w’umupira w’amaguru, Mukasanga Salima Radhia, uherutse gukora amateka yo kuba umugore wa mbere wasifuye umukino w’Igikombe cy’Afurika cy’Abagabo, ni umwe mubazita izina Abana b’Ingagi.

Uyu muhango ugiye kuba ku nshuro ya 18, uteganyijwe kuba kuri uyu wa Gatanu tariki ya 2 Nzeri 2022.

Kuri iyi nshuro abazita amazina ingangi bazaba bagiye no kuzisura ntabwo bizongera kubera kuri online nyuma y’uko icyorezo cya Covid-19 gicogoye kigacisha make.