Umupasiteri yasabye abagabo kudashaka abagore b’ibizungerezi kubera impamvu itangaje

Umupasiteri wo muri Kenya, James Ng’ang’a, yagiriye inama abagabo kudashaka abagore beza cyane kuko nibabikora batazigera bagira amahoro y’umutima kuko abagabo benshi, bazaba bahanze ijisho ibyo bizungerezi bashatse.

Pasiteri Ng’ang’a mu mashusho yasakaye ku mbuga nkoranyambaga, agaragara yicaye imbere y’abakirisitu, avuga ko abagabo badakwiriye kurenza ku bwiza bwa 15%.

Videwo yashyizwe hanze n’uwitwa Mutinda @brianmutinda, aba abaza abasengera aho ngaho abahari batarashaka abagore.

Yasabye abasore ko bashaka abagore batari ibizungerezi, bitambuka abagabo bose bakarabya indimi, ingingo yatuma badahorana imitima ihagaze, barushanwa n’abandi bagabo.

James Ng’ang’a ati ” Mwa basore mwe mubanza mushake abakobwa bafite ubwiza nka 10-15%. Uyu mugore nta wundi mugabo uzaza kumuguteraho, azaba ari uwawe wenyine.”