Umukobwa wari wikoranye ubukwe yihaye gatanya hashize amasaha 24 (AMAFOTO)

Umukobwa w’imyaka 25 witwa Sofi Maure wari wikoranye ubukwe (wirongoye) yihaye gatanya nyuma y’amasaha 24 gusa akoze ubukwe avuga ko atabivamo.

Inkuru dukesha ikinyamakuru independent ivuga ko mu kwezi kwa Gashyantare 2023 aribwo uyu mukobwa ukurikirwa n’abantu barenga ibihumbi 500 ku rubuga rwa twitter yari yashyize hanze amafoto amugaragaza yambaye ikanzu y’umweru y’abageni n’ivara akavuga ko yahisemo kwirongora (kwishaka).

uyu mukobwa yari yanditse ku rukuta rwe rwa twitter agira ati:” Uyu munsi ni uwagatangaza mu buzima bwanjye , niguriye ikanzu y’abageni ,nteka umugati (cake) w’ubukwe kugirango nishake “

Icyakora nyuma y’umunsi akoze ubukwe ngo yahise avuga ko yahisemo kwiha gatanya kuko yasanze atabivamo ,ngo bijyanye n’ibibazo bya gatanya yabonaga bishobora kuzamuzaho.