Umukinnyi wo mu kibuga hagati mu ikipe ya Rayon Sports agiye kujya kwibera i Burayi

Umukinnyi wo mu kibuga hagati mu ikipe y’igihugu y’u Rwanda Amavubi na Rayon Sports, Ishimwe Blaise agiye kujya kwibera i Burayi.

Amakuru dukesha ikinyamakuru UMUSEKE ni uko uyu musore n’abavandimwe babiri bamaze kubona ibyangombwa byo kujya kuba mu gihugu cy’u Busuwisi.

Amakuru avuga ko Mama wa Blaise uherutse gutandukana na Se, Mateso Jean, yamaze gusezerana n’undi mugabo ukomoka mu Busuwisi.

Nyina wa Blaise ufite abana batatu, abahungu babiri yabyaranye na Mateso ndetse n’undi mukobwa w’imfura y’uyu mugore.

Kuri ubu aba bana bashobora guhaguruka mu Rwanda mu munsi iri mbere.