HARAGIRIMANA Dieudonne
Umuherwe Bill Gates yahishuye ko icyorezo cya Covid-19 kizaba cyarangiye ku isi mu mpera za 2022.
Bill Gates umuherwe uzwiho kuba akunda kuvuga ibintu bikaba ndetse akunze kuburira Isi ku bintu bitandukanye. Azwiho kuba ari mu bantu ba mbere bavuze ku cyorezo cya Corona Virus muri 2012 gusa abantu ntibabiha agaciro icyo gihe kugeza ubwo iki cyorezo cyatangiye gukwirakwira hirya no hino.
Kuri ubu uyu muherwe Bill Gates ufite uruhare runini mu ishingwa rya Microsoft yagize icyo atangaza ku bijyanye n’urukingo rwa Covid-19 n’igihe ruzaba rwamaze kugera kubatuye isi bose. Mu kiganiro yagiranye n’ikinyamakuru cyo muri Pologne cyitwa Gazeta Wyborca cyaje gucishwa no kuri televiziyo mpuzamahanga ya TVN24.
Bill Gates yagize ati “Icyorezo cya Covid-19 kiri kugenda kigabanuka ntabwo bikimeze nka mbere kuko inkingo zatangiye kugera ku bantu hirya no hino ku isi, gusa ntabwo bivuze ko Covid-19 igiye guhita irangira ahubwo bizakomeza gutya kugeza mu mpera z’umwaka wa 2022”.
Yakomeje avuga ko mu mpera za 2022 byibuze abatuye isi bazaba bose bamaze kubona urukingo rwa Covid-19 maze ubuzima bugasubira nk’uko bwahoze mbere y’uko iki cyorezo cyibasira isi.
