Philcollens
Nina Muhoza ni umwe mu bakobwa bagize itsinda rya Charly&Nina bakaba baramenyekanye mu ndirimbo nka Face to Face, Indoro n’izindi, uyu mugore kuri ubu yamaze kwemera ko ari umubyeyi w’abana benshi.
Ni kenshi byagiye bivugwa ko hariho abahanzikazi nyarwanda usanga barabyaye ariko bakabigira ibanga ibi bigatuma abantu benshi bakomeza kubakemanga.
Nk’uko touchRwanda ibitangaza ngo umuhanzikazi Nina yamaze kwemera ko ari umubyeyi w’abana benshi gusa yanze gutangaza umubare ariko yavuze ko yabyaye abana barenze umwe.
Nina yagize ati “Umwana ni umugisha ntago namwihakana, njyewe narabyaye ndetse mfite abana benshi barenze umwe.”
Uyu muhanzikazi kandi yanyomoje amakuru avuga ko ashobora kuba yarabyaranye na Makoni Koshwa bigeze gukundana mu minsi yashize.
