Umuhanzi yakubiswe n’inkuba ubwo yari mu kiganiro ku radiyo

Umuhanzi w’imyaka 23 wari ukizamuka mu gihugu cya Uganda witwa Morris Olum wamenyekanye ku kazina k’ubuhanzi ka ‘Great Boy’, yaraye yitabye Imana ubwo yari mu kiganiro kuri Radiyo ya Lango Broadcasting Services (LBS)  ,iherereye mu majyaruguru ya Uganda muri Dokolo .

Inkuru dukesha ikinyamakuru Monitor ivuga ko uyu muhanzi yakubiswe n’inkuba n’abandi bantu batanu ubwo bari mu kiganiro kuri radiyo hagana saa moya z’umugoroba ,icyakora we agahita yitaba Imana ,mu gihe abandi bahise bajyanwa ku bitaro bya Dokolo Health Centre IV government hospital ngo bitabweho.