Clever Tuyishime
Umuhanzi Tuyisenge Eric uri kuzamuka mu muziki nyarwanda mu mazina ya Sufuri yasohoye indirimbo nshya ndetse anakomoza ku kuba yaravuye mu bisigo akaririmba.
Mu kiganiro yagiranye na Goodrich TV binyuze mu kiganiro “Step up Impano n’ubuhanga” uyu muhanzi yavuze ko atari yatangira umuziki yabanje kuwukunda ariko muri icyo gihe yakoraga imivugo n’ibijyanye n’ubusizi.
Yagize ati:”Njye ubundi ntari natangira umuziki nabanje kuwukunda nkiri mu mashuri yisumbuye nakoraga imivugo noneho nkumva umunsi umwe nzaririmba nyuma nibwo naje kwerekeza muri situdiyo mperekeje umuhanzi w’inshuti yanjye birangira nanjye iyo ndirimbo nyigiyemo imaze gusohoka nakumvisha abantu nkababwira ko ndimo bakambwira ngo ninkomerezaho ndabishoboye, ibyo byanteye imbaraga bituma nywinjiramo byimbitse ubu nta gahunda yo kuwureka mfite”.
Uyu muhanzi uherutse gushyira indirimbo nshya hanze yise “Ndamajye na Ndamaze” yavuze ko igisobanuro k’izina ry’iyi ndirimbo, ari uguca munzira imwe cg iyindi ujya guhiga ubuzima ndetse ntacyo witayeho kabone nubwo byagorana cyane cg ukanabitukirwamo utirengagije no kuba wabiseberamo. gusa igihe uzi icyo ushaka byose uba ugomba kubyihanganira ndetse ukabicamo nk’intore.
uyu muhanzi ndetse yabajijwe umubare w’indirimbo amaze gukora, asobanura ko amaze kugira indirimbo 3, kd akaba ateganya no gusohora indi nshya bitarenze uku kwezi. ngo Kandi ibanga ni uko azajya ahora Azana udushya mubijyanye na kariyeri ye y’umuziki.
Kanda hano urebe indirimbo nshya y’umuhanzi Sufuri:
