Umugore yashatse gutera akabariro byanze yica umugabo we bunyamaswa

Umugore w’imyaka 27, witwa Odunayo Olumale,wo muri Nigeria yatawe muri yombi, akekwaho gutera icyuma umugabo we, Olamilekan Salaideen kugeza apfuye amuziza kwanga gukora imibonano mpuzabitsina.

Ku wa gatatu, tariki ya 23 Ugushyingo 2022, ukekwaho icyaha yakorewe iburinishwa mu ruhame hamwe n’abandi 25 bakekwaho ibyaha bitandukanye ku buyobozi bwa polisi y’igihugu biherereye i Eleyele, mu gace ka Ibadan.

Umuvugizi w’ako gace, SP Adewale Osifeso yavuze ko ukekwaho icyaha yagarutse mu rugo rw’umugabo we kuri uwo munsi w’amahano nyuma y’amezi atatu batandukanye.

Bivugwa ko nyakwigendera yakorewe ibyo ubwo bari mu gikorwa cy’imibonano mpuzabitsina mu ijoro ryabereyemo arikumwe n’ukekwaho icyaha kubera ko yari yanze ko abikora.

Ibi byaje kuvamo urugomo aho nyakwigendera bivugwa ko yamennye na terefone igendanwa y’umugore we. Mu buryo bwo kwihorera bivugwa ko yamuteye icyuma mu gice cyo hejuru cy’agatuza.

Iperereza ry’ibanze ryerekanye ko nyakwigendera n’umugore we yari yamusabye kugaruka murugo rwabo mu gace ka Oko Oba mu mujyi wa Oyo ku munsi ibyo byabereyeho nyuma y’amezi atatu batandukanye.