Umugabo yasutse amarira amenye ko uwo yitaga umuterankunga yabyaranye n’umugore we adahari

Umugabo yasutse amarira ndetse asaba ko abantu bamugira inama nyuma y’aho uwo yitaga umuterankunga ndetse akaba inshuti magara ye kuva mu bwana amugurije amafaranga, maze akajya mu mahanga yagaruka agasanga yaramuciye inyuma ndetse akabyarana n’umugore we.

Uyu mugabo wo muri Ghana yavuze ko atari yarigeze atekereza ko umugore we yamuhemukira bene aka kageni.

Avuga ku mibabaro ye, uyu mugabo utatangajwe amazina yatangaje ko we n’umugore we bashyingiranywe muri za 2000 kandi imyaka itanu yambere bashyingiranywe yabyaye abana 2.

Yakomeje asobanura ko ubucuruzi bwe bwunguka cyane.Abifashijwemo n’inshuti ye magara kuva mu bwana yamugurije amafaranga, maze ajya muri Ositaraliya gushaka urwuri rwiza mu mahanga.

Ubwo yari mu mahanga , yakiriye amakuru y’umugore we nyuma yimyaka 3 ataba muri Gana ko atwite mu gihe bataherukanaga dore ko yari yibereye mu mahanga ashakisha amafranga yo koherereza umuryango.

Byatumye ataha agaruka muri Ghana asanga umugore we yarabyaye umwana wabo wa bucura, ndetse bahita bakoresha ikizamini cya DNA cyerekana ko umwana ari uwa ya nshuti ye yamugurije amafaranga. Avuga ko yabaye nk’ukaye umutwe ndetse akibaza icyo agomba gukora.

Yasobanuye iby’inshuti ye magara ati “umuntu nzi ubuzima bwanjye bwose, twabanaga mu gace kamwe, twiga ku ishuri rimwe ndetse tunasangira amabanga menshi hamwe niwe wampemukiye anca inyuma”