Umugabo bita Bizimana uzwi nka Ruhuri yatemye umugore we bapfa imitungo

Kuri uyu wa Kabiri tariki ya 21 Ugushyingo 2023, Nibwo Umugabo wo mu karere ka Ruhango mu murenge wa Ruhango akagari ka Munini mu mudugudu wa Nyabinyenga, arakekwaho gutema umugore we bapfa imitungo.

Uyu mugabo witwa Bizimana Zayasi uzwi ku izina rya Ruhuri ukekwaho gutemesha umugore we umuhoro ku kuguru, amakuru avuga ko ibyabaye byatunguye benshi nubwo uyu muryango wari usanzwe ukimbirana ariko bitari bimenyerewe ko umwe afata ikemezo cyo gushaka kwambura undi ubuzima nkuko bitangazwa n’abaturanyi babo.

Umugabo wari uri ahantu uyu mugabo bikekwa ko yaba yaratemeye umugore we, yabwiye BTN dukesha iyi nkuru ko mugenzi we bakorana Zayasi, ngo yaje mu kazi bisanzwe ariko yijujuta cyane noneho igihe ari gutenda neza amasiteri y’ibiti umugore we aba araje arahamusanga ngo amufashe.

Uyu mutangabuhamya akomeza avuga ko nyuma gato umugore afasha umugabo we, bombi batangiye gutongana hafi yo gufatana mu mashati noneho umugabo akajya yita umugore we umunyabinyoma, umugome kandi windyarya ubwo nk’abari aho babajije umugore icyo bapfa ababwira ko ari igare yari yaramusezeranyije kuzamugurira nyuma yuko amushatse gusa nyuma ntibyakunda kubera ubushobozi buke.

Yagize ati” Baratonganye karahava natwe bidutera ubwoba kuko bafatanaga mu mashati. Umugabo yitaga umugore we umubeshyi noneho tumubajije adusubiza ko bapfa igare atamuguriye bakimara gushakana”.

Abandi baturage baganiriye bavuga ko bakimara kubakiza byabaye nk’ibihosha ariko nyuma umugabo aza gucunga umugore we abatura umuhoro aba atemye umugore we ku kuguru nkuko umugore yabibasobanuriye ubwo bamubazaga ikiri kumuvusha amaraso ku kaguru nawe abasubiza ko ari umugabo we umutemye akiruka.

Umunyamakuru  yarinzer ava ahabereye iki gikorwa kigayitse uyu mugabo ukekwaho gutemesha umugore we umuhoro atarafatwa.

Ku murongo wa Telefoni Umunyamabanga Nshingwabikorwa w’uyu murenge wa Ruhango, muri iki gitondo cyo kuri uyu wa Gatatu yasubije umunyamakuru ko ntamakuru abiziho ariko agiye kubikurikirana.

Aba baturage basaba ubuyobozi gukurikirana uyu mugabo hanyuma agahanywa by’intangarugero.