THIERRY Mugiraneza
Paul Mitchell, umugabo w’imyaka 32 y’amavuko akaba yaramamaye ubwo yinjiraga mu kibuga agakubita Jack Grealish yasanzwe yapfuye.
Muri 2019 mu kwezi kwa Gatatu, ubwo habaga umukino wahuzaga ikipe ya Birmingham na Aston Villa , umufana wa Birmingham yinjiye mu kibuga atera ingumi Jack Grealish wari kapiteni wa Aston Villa mbere y’uko yerekeza muri Manchester City.
Icyo gihe uwo mufana yafunzwe iminsi 14 ndetse ahagarikwa kuzongera kujya muri Sitade mu gihe cy’imyaka 10.
Kuri ubu Paul Mitchell nta gihumeka umwuka w’abazima nk’uko byemejwe n’umuryango we kuwa Kane.
Umuryango wa Paul Mitchell wemeje ko uyu mugabo w’imyaka 32 y’amavuko yasanzwe ku muhanda wo mu mujyi wa Birmingham yitabye Imana , gusa icyamuhitanye ntikiramenyekana.
