Moïse Habanabashaka
Ubwo Rayon Sports iri kwitegura gutaha ikibuga cyayo kiri mu Nzove yatangaje ikindi gikorwa iri buhakorere kidasanzwe.
Rayon Sports F.C igiye gutaha ikibuga gifite ubwatsi bugezweho bw’ubukorano yubakiwe n’umuterankunga wayo, SKOL Brewery Ltd.
Ni igikorwa cyitezwe ku gicamunsi cyo kuri uyu wa Kabiri tariki ya 13 Ukuboza 2022, aho iki kibuga giherereye mu Nzove.
Nyuma yo gutaha ikibuga, hateganyijwe umuhango wo kumurika Ikipe y’Abagore ya Rayon Sports, iza gukina umukino wa gicuti na Youvia WFC guhera saa Cyenda n’Igice.
Rayon Sports WFC yashinzwe muri uyu mwaka w’imikino wa 2022/23. Yatangiye gukina Icyiciro cya Kabiri mu mpera z’icyumweru gishize, aho yanyagiye Gatsibo WFC ibitego 16-0.
