Ubushotoranyi; Umuzamu wa Arijantine yagiye kwishimira intsinzi ateruye agapupe gafite umutwe umeze nk’uwa Mbappé

Umuzamu w’irushanwa ry’igikombe cy’isi 2022, Emiliano Martinez yashotoye Kylian Mbappé Lottin ubwo bajyaga kwishimira igikombe cy’isi batwaye ku cyumweru.

Ku cyumweru nibwo Argentin yegukanye igikombe cy’isi 2022 ihigitse ikipe y’igihugu y’u Bufaransa yari irangajwe imbere na Kylian Mbappé.

Ku munsi wo ku wa kabiri tariki ya 20 Ukuboza 2022 nibwo ikipe y’igihugu ya Argentin yageze mu gihugu iwabo ikubutse muri Qatar.

Mu kujya kwishimira intsinzi, umuzamu Emiliano Martinez yajyanye na bagenzi be aho yagiye ateruye igipupe gitoya gifite isura nk’iya Kylian Mbappé.

Ibi uyu muzamu yakoze byafashwe nk’ubushotoranyi mu gihe hari abandi babifashe nko kuryoshya ibirori byo kwishimira igikombe cy’isi begukanye batsinze Ubufaransa kuri za Penaliti.