Ubukwe bwabo umuntu uzabutaha ni ufite ikofi ibyimbye! Ibyo wa menya ku bukwe bwa The Ben na Pamela bateganya kurushinga

Hari abantu benshi bibaza igihe ubukwe bwa The Ben na Pamela buzabera, kubera ko bamaze igihe kitari gito basezeranye mu mategeko doreko babikoze tariki 31 Kanama 2022.

Ni umuhango wabereye mu murenge wa Kimihurura mu karere ka Gasabo mu mujyi wa Kigali.

Gusa impamvu aba bombi badasezerana imbere y’Imana ni uko Uwicyeza Pamela agishakisha ibyangombwa by’urugendo (VISA) kugira ngo asange The Ben babone gukora ubukwe.

Ubusanzwe VISA ya Pamela yakabaye yarabonetse iyaba ari nko kugenda agiye kwiga gusa.

Ariko kuko ari ukugenda agiye kuba umugore wa The Ben ufite ubwenegihugu bw’Amerika, bifata nibura amezi ari hagati y’atandatu n’umwaka.

Kuri ubu umwaka urashize, bivuze ko igihe cyo kubona VISA Pamela aragikozaho imitwe y’intoki. Akimara kubona VISA azahita asanga umugabo we muri Amerika bityo batangire kwitegura ubukwe bari kumwe.

Ubu bukwe bw’aba bombi buzabera muri Leta Zunze Ubumwe za Amerika, aho The Ben abarizwa muri Leta ya Chicago, bivuze ko abazabwitabira bisaba gutega indege bakazajya muri Amerika.