The Ben n’umukunzi we Pamela babonye akazi mu kigo kimwe

Kuri uyu wa Gatanu nibwo umuhanzi The Ben n’umukunzi we Pamela bagizwe abamenyekanisha ikigo cya Gorilla Games.

Aba bakundana bashinye amasezerano amwe ndetse bazajya bamamariza iki kigo binyuze ku mbuga nkoranyambaga zabo no mu bikorwa by’iki kigo.

Umubano wa The Ben na Pamela wamamaye mu mpera z’umwaka wa 2019, nyuma nabo baza kubishimangira binyuze ku butumwa bagendaga bahanahana hagati yabo.

The Ben akaba ari mu Rwanda aho yaje aje gutaramira abanyarwanda mu gitaramo kiswe Rwanda Rebirth Celebration Concert, akaba yarahise akomerezaho n’ibiruhuko.