Rwanda:amashusho y’umugeni wahetswe mu ngobyi ku munsi w’ubukwe bwe akomeje gutangaza abatari bake

Ku mbuga nkoranyambaga hakomeje gukwirakwizwa amashusho y’ubukwe budasanzwe buherutse kubera mu karere ka Muhanga aho umugeni yagaragaye ahetswe mu ngobyi maze abantu birabatangaza cyane.

Muri aya mashusho bigaragara ko aba bageni bashatse kwigana umuco wo hambere aho umugeni wabaga ugiye gushyingirwa bamutwaraga bamuhetse mu ngobyi.Uyu mugeni washatse kugarura uyu muco gakondo yari ahetswe mu ngobyi bamutwikirije imitaka ,ndetse agaragiwe n’abatari bake bagenda baririmba.Maze bageze i Muhanga mu mujyi abantu benshi bahise babarangarira cyane bose batunguwe n’aka gashya.