Rwamagana: Havumbuwe umurambo mu musarani bikekwa ko ari uw’umugore byari bizwi ko amaze imyaka 15 yibera muri Uganda

Abantu baguye mu kantu nyuma yo kuvubura umurambo bikekwa ko ari w’umugore bari bazi ko yibera muri Uganda.

Ibi byabereye mu Kagari ka Nyagasenyi mu Murenge wa Kigabiro mu Karere ka Rwamagana, aho bavumbuye umurambo bikekwa ko ari uw’umuturage bari bazi ko amaze imyaka 15 muri Uganda.

Uyu murambo wabonetse mu bwiherero, bikaba bikekwa ko yishwe n’umugabo we, wahise anatoroka.

Umubiri bikekwa ko ari uwa Ayinkamiye Rebecca, wabonetse ku wa Gatandatu w’icyumweru gishize, tariki 01 Mata 2023.

Urwego rw’Igihugu rw’Ubugenzacyaha RIB, rwahise rutangira iperereza ndetse rujyana n’umubiri kugira ngo ukorerwe isuzuma bimenyekane ko uyu mubiri ari uwa Ayinkamiye koko.