Rutahizamu wa Apr Fc yakubise amavi hasi asaba imbabazi ubuyobozi kubera umusaruro muke

Rutahizamu wa Apr Fc Mugunga Yves yakubise amavi hasi asaba imbabazi ubuyobozi bw’iyi kipe nyuma yo kudatanga umusaruro yari ategerejweho.

Ku cyumweru tariki ya 20 Werurwe nibwo ikipe ya Apr yatsindaga bigoranye ikipe ya Rutsiro igitego kimwe ku busa, icyo gitego kimwe rukumbi cyatsinzwe na Mugunga Yves.

Muri uwo mukino Mugunga yajemo asimbuye aho yahise atsinda igitego, mu kwishimira icyo gitego yakubise amavi hasi imbere y’abayobozi ba Apr Fc asaba imbabazi, ndetse abashimira Imana imufashije kwiyunga n’abafana ba Apr.

Mugunga Yves yakoze ibyo nyuma y’ibyumweru bike bivuzwe ko ari ku rutonde rw’abakinnyi barindwi iyi kipe ishaka gusezerera.

Mugunga Yves yatsinze icyo gitego nyuma yo kwikomwa n’umutoza we Adil ngo ntago agitanga umusaruro dore ko yari yaranamusabiye kwirukanwa.

Mugunga Yves yari yasohotse ku rutonde rw’abakinnyi barindwi ikipe ya Apr yifuzaga kurekura ubwo shampiyona izaba irangiye.