Rutahizamu Romelu Lukaku ari mu nzira zerekeza mu buroko(Inkuru irambuye)

Rutahizamu w’ikipe ya Manchester United Romelu Lukaku Bolingoli kurubu akaba ari munzira zerekeza mu buroko nyuma yuko yatangiye gukurikiranwa n’inkiko zo mu gihugu cya Leta Zunze ubumwe za Amerika aho ashinjwa kuba yarabangamiye abaturage baturanye na Beverely Hills Hotel yari acumbitsemo mu gihe ikipe ye yari muri Leta zunze ubumwe za Amerika mu mikino ya Pre-season.

Amakuru dukesha ikinyamakuru The times cyanditse iyi nkuru aremeza ko urubanza rwa mbere uyu musore yakagombye kwitaba ruzaburanishwa ku munsi wa none taliki ya 3 z’ukwezi kwa Cumi uyu mwaka aho aregwamo guhungabanya umutekano no kubangamira abaturanyi ba Hotel Beverely Hills yari acumbitsemo ubwo ikipe ya Manchester United yari muri Leta zunze ubumwe z’Amerika. Uyu musore ariko akaba ataza kwitabira urubanza rwe bitewe nuko yahamagawe n’ikipe ye y’igihugu kujya kuyifasha mu mikino yo gushaka itike yo kwerekeza mu gihugu cy’uburusiya mu gikombe cy’isi mu mwaka utaha wa 2018. Uyu musore akaza kuba ari buhagararirwe n’umuhagarariye mu mategeko ari nawe uzanamuburanira. Mu gihe icyaha cyaba kimuhamye uyu musore ashobora guhanishwa igifungo cy’umwaka umwe cyangwa agatanga ihazabu y’amafaranga asaga ibihumbi 60 by’ama dolari y’amanyamerika. Tukaba dutegereje kureba ikizava muri uru rubanza.