Rusizi: Inkuba yakubise abantu barapfa gusa umwana war’uhetswe n’umwe mu bishwe n’inkuba yarokotse 

Rusizi: Inkuba yakubise abantu barapfa gusa umwana war’uhetswe n’umwe mu bishwe n’inkuba yarokotse

Mu Murenge wa Nkanka mu Karere ka Rusizi, inkuba yakubise Nyirabageni Domitille w’imyaka 51 n’umukobwa we Abayisenga Jeannine w’imyaka 21 bari bitabiriye umuhango wo gufata irembo bahita bitaba Imana.

Byabereye mu mudugudu wa Rweya mu Kagari ka Kamanyenga ku wa 16 Werurwe 2023 Saa Saba z’amanywa.

Nyirabageni n’umukobwa we bari baturutse mu mudugudu wa Karambo mu Kagari ka Gasheke mu Murenge wa Bushenge, mu karere ka Nyamasheke, batashye ubukwe bwo gufata irembo bw’uwitwa Hategekimana Joel.

Abayisenga yari ahetse umwana we w’amezi ane amutwikiriye umutaka, gusa uyu mwana ntacyo yabaye.

Akarere ka Rusizi kahise gatanga imodoka ijyana imirambo mu Karere ka Nyamasheke aho ba Nyakwigendera bari baturutse.

Bikekwa ko umutaka Abayisenga yari atwikiriye umwana we ariwo watumye inkuba ibakubita kuko iyo nkuba yanawutwitse.

Abaturage kandi bakomeje kuburirwa ko bajya bareka kugenda mu mvura kuko bikurura ibyago by’inkuba cyane