Umugore yatse umugabo we gatanya igitaraganya ku mpamvu idasanzwe

Umugore w’Umwongerezakazi witwa Stephanie  Hanson  w’imyaka 41 yatse umugabo we gatanya igitaraganya nyuma yo kuva mu biruhuko n’inshuti ze z’abakobwa mu gihugu cy’Ubugereki  ,ku mpamvu avuga ko zatewe no kuba icyo gihe ari mu biruhuko n’inshuti ze atarigeze akumbura umugabo we.

Uyu mugore avuga ko yagiye mu biruhuko mu gihugu cy’Ubugereki muri Gicurasi umwaka ushize wa 2022 ajyanye n’inshuti ze z’abakobwa agiye kwizihiza isabukuru y’imyaka 40 , icyakora ngo ubwo yari agezeyo yagize ibihe byiza n’inshuti ze ,ku buryo ngo yaje kwisanga akumbuye abana gusa ,umugabo we atamutekereza.

Ngo ibi byatumye uno mugore afata icyemezo cyo kuva mu biruhuko agahita yaka gatanya umugabo we witwa David bari barahuriye ku rubuga rwa facebook , kandi ngo ntashidikanya ko yafashe icyemezo cyiza.