RUHANGO: Umugore yaroze abantu batanu bo mu muryango umwe barasara(Video).

Mu karere ka Ruhango mu murenge wa Mbuye ,mu kagari ka Mbuye haravugwa inkuru y’umugore waroze abantu batanu bavuka mu muryango umwe aho bafashwe n’indwara zo mu mutwe bakirukanka bambaye ubusa.

Mu baganiriye na BTN bavuze ko uyu mugore yagiye ababwira ngo bajye bamwubaha, nibatabikora bazahura n’akaga.Bavuga ko bamubajije uko ashaka ko bamwubaha, ababwira ko bagomba kubaha imbaraga zabakurambere bagaterekera, ndetse ntibajye no gusenga.Maze baje kubirengaho bajya gusenga, ndetse bamubwira ko batabasha guterekera.Nibwo yahise atangira kubatereza imyuka mibi.Kuri ubu ngo barasara bagakuramo imyenda ku gasozi ndetse bakavuga amagambo aterekeranye y’abarwayi b’indwara zo mu mutwe.