Ruhango: Umugabo wishe umugore we yakatiwe igihano kimukwiye

Mu minsi yashize mu karere ka Ruhango mu murenge wa Mwendo havuzwe inkuru y’umugabo watawe muri yambi akekwaho kwica umugore we none kuri uyu munsi nibwo urubanza rwe rwabereye ku karubanda mu gace basanze batuyemo.

Kuri uyu munsi Murwanashyaka Charles wo mu Murenge wa Mwendo mu Karere ka Ruhango, yahamijwe icyaha cyo kwica umugore we witwa Yankurije Vestine, akatirwa gufungwa burundu n’Urukiko Rwisumbuye rwa Muhanga.

Urukiko rwahamije Murwanshyaka icyaha cyo kwica umugore we rumukatira gufungwa ubuzima bwe bwose nk’uko Ubushinjacyaha bwari bwabisabye.

Urukiko rwavuze ko icyaha cyo kwica umugore we yagikoze abishaka kandi yabiteguye, agikorana ubugome yica umugore we urw’agashinyaguro bityo akwiye guhanwa by’intangarugero.