M.Ben
Nyuma yo kusezererwa na US Monastir mu mikino nyafurika, ubuyobozi bwa APR FC bushobora gukora igikorwa gikomeye kubera umusaruro muke abakinnyi n’abatoza berekanye.
Kuri ubu biri kuvugwa ko umutoza mukuru wa APR FC, Adil Mohamed Erradi yaba yamaze kubwirwa ko ashobora kwirukanwa.
Umwe mu banyamakuru bakomeye mu Rwanda, Rugangura Axel yaciye amarenga ko hari ikipe igiye gukora impinduka igitaraganya, aho abantu bahise bacyeka APR FC.
Impamvu hacyetswe APR FC ni uko ariyo kipe iri kuvugwaho umusaruro nkene mu mikino nyafurika ugereranyije n’intego bari bihaye zo kugera mu matsinda y’imikino nyafurika.
Hari n’andi makuru avuga ko bashobora kwisubiraho bakazana abanyamahanga bazayifasha kujya yitwara neza mu mikino nyafurika.
Bikomeza bivugwa ko iyi kipe yaba yiteguye gusezerera bamwe mu bakinnyi bayo mu kwezi kwa mbere ubundi bakazana abandi bakinnyi bazatanga umusaruro mu Rwanda no hanze y’u Rwanda.
Ibi byose tuvuze haruguru ni ibiri kuvugwa nta na kimwe kiremezwa n’ubuyobozi bwa APR FC gusa isaha n’isaha hari ikiri bukorwe.
