THIERRY Mugiraneza
Ronaldo Luis Nazario de Lima Umunyabigwi mu mupira w’amaguru wa Brazil akaba yaramamaye nka Ronaldo Gifaru yatangaje ikipe aha amahirwe yo kuzegukana igikombe cy’Isi uyu mwaka.
Imikino y’igikombe cy’Isi igeze muri 1/2 hakaba hasigaye amakipe 4 ariyo Argentina, Morocco, Ubufaransa ndetse na Croatia, ubwo Ronaldo Gifaru yaganiraga n’ikinyamakuru AS yabajijwe ikipe aha amahirwe yo kuzegukana igikombe cy’Isi uyu mwaka maze nawe atariye indimi avuga ko ari Ubufaransa
Gifaru ubwo yaganiraga na AS yagize ati” Mu ntangiriro narinziko Ubufaransa buzakina na Brazil ku mukino wanyuma ,ubu Ubufaransa nibwo bwakomeje nshingiye ku rugendo rwiza bagize kuva mu matsinda batsindwa mukino umwe gusa na Tunisia. Bakaba barasezereye Ubwongereza muri 1/4 ndabona bazongera bagatwara igikombe cy’Isi.”
Imikino ya 1/2 mu gikombe cy’Isi iratangira none kuwa kabiri Argentina ikina na Croatia I saa tatu z’ijoro ikazakomeza ejo Ubufaransa bukina na Morocco.
Umukino wa nyuma ukaba wo uzakinwa kuri 18 uku kwezi.
