Real Madrid yamaze gutangaza akayabo k’amafaranga izagura rutahizamu ukomeye w’ubwongereza

Mu gihe bizwi ko ikipe ya Real Madrid yatangiye gutekereza kuri rutahizamu ugomba kujya gusimbura umufaransa Karim Benzema muri iriya kipe, benshi bagiye bagarukwaho ndetse n’ubuyobozi bwa Real Madrid bukagira icyo bubivugaho, gusa icyemezo cy’umukinnyi ugomba gusimbura umufaransa Benzema muri Real Madrid cyamaze gufatw ndetse n’amafaranga agomba kumutangwaho yamaze kumenyekana.

Amakuru ibinyamakuru Marca, As na Mundo Deportivo byahuriyeho aravuga ko umuyobozi w’ikipe ya Real Madrid Florentino Perez yiteguye gutangira ibiganiro mu mpeshyi itaha n’umuvugizi mu mategeko wa rutahizamu w’ikipe ya Tothenham Hotspurs Harry Kane kugirango barebe uko uyu musore yakwerekeza i Santiago Bernabeu mu mwaka utaha. Ibi bitangazamakuru byakomeje bivuga ko Real Madrid yiteguye kurekura Miliyoni 177 z’amapound asaga Miliyoni 200 z’amayero kugirango izabashe kugura uyu musore w’imyaka 23 gusa ukomeje kugaragaza Impano idasanzwe.

Real Madrdi kandi biravugwa ko yiteguye gukora ibishoboka byose kugirango uyu mukinnyi atazabaca mu myanya y’intoki nkuko byabagendekeye kuri Kylian Mbappe Lotin umufaransa wahisemo gukinira PSG akareka Real Madrid.