THIERRY Mugiraneza
Abakunzi b’umupira w’amaguru ku Isi uyu munsi bategereje umukino wa El Clasico ukaba ufatwa nk’uwa mbere mu mukino uhuza amakipe mu mupira w’amaguru.
El Clasico ikinwa uyu munsi ni umukino wo ku munsi wa 26 wa shampiyona y’ikiciro cya mbere muru Espagne , ukabera kuri Spotify Camp Nou ikibuga cy’ikipe ya FC Barcelona.
El Clasico igiye gukinwa Real Madrid idahagaze neza muri shampiyona kuko ubu iyi kipe irikumwanya wa kabiri ku rutonde rwa shampiyona, ikaba inyumaho amanota 9 kuri FC Barcelona ya mbere.
Ikindi cyerekana ko Real Madrid itameze neza muri shampiyona ni Uko mu mikino 6 iheruka yatsinzwemo kabiri, inganya rimwe itsinda gatatu. Mu gihe FC Barcelona yo itsinze imikino 5 muri itandatu iheruka. Ikindi gikomeza uyu mukino ni uko mu mikino 4 iheruka guhuza izi kipe , FC Barcelona yatsinze Real Madrid imikino itatu , Real igatsinda umwe by’umwihariko imikino ibiri iheruka Fc Barcelona ikaba yarayitsinze yose.
Abakinnyi bashobora kubanzamo ku mpande zombi:
Barcelona XI (4-3-3): Ter Stegen; Araujo, Kounde, Christensen, Balde; De Jong, Busquets, Kessie; Raphinha, Lewandowski na Gavi.
Real Madrid (4-3-3): Courtois; Carvajal, Militao, Rudiger, Nacho; Camavinga, Tchouameni, Modric; Valverde, Benzema na Vinicius.
