THIERRY Mugiraneza
Ikipe ya Real Madrid yongeye gushimangira ko ari umwami wo gutsinda iturutse inyuma. Ibi Real Madrid yaraye ibishimangiye ubwo yatsindaga Atlético Madrid ibitego bitatu kuri kimwe kandi yari yabanje gutsindwa , mu mukino wa ¼ w’igikombe cy’umwami ihita ikatisha n’itike ya ½.
Uyu mukino wari wahuje amakipe yombi yo mu murwa mukuru wa Espagne, wabaye mu ijoro rya keye utangira saa yine z’ijoro kuri Estadio Santiago Bernabau.
Real Madrid yari yabanje mu kibuga abakinnyi barimo Courtois; Nacho, Militao, Rüdiger, Mendy; Kroos, Camavinga, Modric; Fede Valverde, Benzema na Vinicius.
Ikipe ya Real Madrid niyo yatangiye yataka cyane nk’ikipe yariri mu rugo , ndetse inarema n’uburyo bwo kubona igitego,ku munota wa 6 gusa rutahizamu Karim Benzema yabonye umupira mwiza ariko gutsinda ntibyamukundira.
Ku munota wa 19 Alvaro Morata wa Atletico Madrid yatsinze igitego cya mbere ahawe umupira na Nahuel Molina .Nyuma yo gutsindwa igitego ikipe ya Real Madrid yatangiye urugendo rwo gushaka igitego cyo kwishyura ndetse inagumya kwiharira umupira cyane kurusha Atletico Madrid.
Atletico Madrid itozwa na Diego Simeone yari yabanje mu kibuga Oblak; Molina, Savic, Hermoso, Reinildo; Correa, Koke, De Paul, Lemar; Morata na Griezmann.
Igice cyambere cyarangiye Real Madrid yahize igitego cyo kwishyura yakibuze burundu.
Igitego cyo kwishyura cya Real Madrid cyabonetse ku munota wa 79 gitsinzwe na Rodrygo ku mupira mwiza yarahawe na Luka Modric.
