HARAGIRIMANA Dieudonne
Ikipe ya Rayon Sports nyuma y’iminsi igera kuri 3 ibura kugirango umukino uzahuza Rayon Sports na Etincelles FC ube, Rayon Sports yashyize hanze ibiciro byo kwinjira kuri uyu mukino izakira.
Ikipe ya Rayon Sports isanzwe yarashyizeho amafaranga make itagomba kujya munsi ku mukino wose yakiriye, aho yari yatangaje ko bizajya biba ari ibihumbi 3 ariko kugeza ubu yatangaje ko bigomba kuba amake ari ibihumbi 2.
Umuyobozi w’abafana b’ikipe ya Rayon Sports Ngendahimana Claude uyu munsi mu kiganiro yagiranye na Flash FM yatangaje ko gushyiraho aya mafaranga angana gutya ngo ari ukugirango abafana ba Rayon ndetse n’abi kipe ya Etincelles FC bazabashe kuryoherwa n’uyu mukino badahenzwe.
Ibiciro byose ni ibihumbi 2 ahasanzwe, ibihumbi 5 ahatwikiriye ndetse n’ibihumbi 10 muri VIP. Uyu mukino uzabera mu karere ka Muhanga kuri Sitade ya Muhanga ku munsi wo ku cyumweru saa cyenda z’amanwa.
Ikipe ya Rayon Sports iri kumwanya wa kabiri n’amanota 42 irushwa inota rimwe n’ikipe ya APR FC kugeza ubu iyoboye Urutonde rw’agateganyo rwa shampiyona sezo 2022/2023.
