M.Ben
Ikipe ya Rayon Sports yahawe amahirwe yo kurangiza igice kibanza cya shampiyona iyoboye mu gihe yaba itsinze Gasogi United bifitanye umukino kuri uyu wa Gatanu.
Ibi byabaye nyuma yuko ikipe ya Sunrise FC yatsinze AS Kigali iyoboye urutonde ibitego 2-1 mu mukino w’umunsi wa 15 wa shampiyona y’u Rwanda.
Ikipe ya Sunrise FC yatsindiwe na Babuwa Samson ku munota wa 58 hanyuma na Yafesi Mubiru ashyiramo igitego cya kabiri kuwa 68 mu gihe AS Kigali yatsindiwe impozamarira na Jacques Tuyisenge ku munota wa 89.
AS Kigali irusha Rayon Sports ya kabiri amanota 2, bivuze ko Rayon Sports itsinze Gasogi United yahita icaho ikipe ya As Kigali aho yaba iyirusha inota rimwe.
Uko imikino yose yagenze uyu munsi:
Sunrise FC 2-1 AS KIGALI
Musanze FC 1-1 Police FC
ESPOIR FC 0-1 Gorilla FC
Rwamagana FC 1-2 MUKURA VS
Rutsiro FC 1-2 Bugesera FC
Urutonde tw’agateganyo:
1. AS KIGALI 30 Pts
2. Rayon Sports 28 Pts (-1)
3. APR FC 27 Pts (-1)
4. Kiyovu Sports 27 (-1)
5. Gasogi 25 Pts
