THIERRY Mugiraneza
Mu mpera z’icyumweru gitambutse, ku masitade atandukanye mu Rwanda hakinwaga imikino y’umunsi wa 25 muri shampiyona y’ikiciro cya mbere.
Ni umunsi wakinwe mbere yuwa 24 kuko wo wahindutse ikirarane. Shampiyona yari yagarutse nyuma y’uko imikino y’amakipe y’ibihugu yari ibaye icumbitswe.
Shampiyona y’ikiciro cya mbere mu Rwanda, imaze gushyuha cyane kuko ni shampiyona isigaje imikino 5 ngo ishyirweho akadomo , utwara igikombe amenyekane ndetse n’abazamanuka bamenyekane.
Umunsi wa 25 waranzwe no gutungurwa kw’amakipe amwe n’amwe , nka Rayon Sports na Gasogi United zatsinzwe kandi izo kipe zivuga ko intego ari igikombe. Ikindi cyaranze umunsi ni intambara yakomeje kugorana hagati y’amakipe ari mu myanya ya nyuma kuko yose yagerageje kwitwara neza uretse Espoir FC bisa nkaho nta mbaraga ifite.
Imikino yakinwe kuwa Gatanu:
Rutsiro FC 0-1 Rwamagana City.
Gorilla Football Club 1-1 Sun Rise FC.
Imikino yakinwe kuwa Gatandatu:
Rayon Sports 2-4 Police Football Club.
AS Kigali 1-0 MUKURA VS.
Marines Football Club 4-1 Musanze FC.
Imikino yakinwe ku Cyumweru:
APR FC 2-1 BUGESERA FC.
ESPOIR FC 1-2 KIYOVU SPORTS.
ETINCELLES FC 5-1 GASOGI United.
Kugeza ubu ku munsi wa 25 wa shampiyona bisa nkaho intambara isigaye hagati y’abahatanira igikombe kuko , icyunyuranyo cy’amanota barushanwa atari menshi:
1. APR FC 52 Pts
2. KIYOVU SPORTS 50 Pts
3. RAYON SPORTS 46 PTS
4. AS KIGALI 42 PTS.
Kandi ahandi hari Intambara itoroshye ni mu makipe arwana no kutazamanuka, kuko naho amanota asa nkaho yegeranye cyane.
14. Rutsiro FC 21 Pts
15. Marines FC 19 Pts
16. ESPOIR 14 Pts.
