Police yanyomoje amakuru ari kuvugwa ku rupfu rwa nyakwigendera AKA

Nyuma y’ibyabaye, abapolisi batesheje agaciro amakuru y’ibitangazamakuru byavugaga ko abantu batatu bakekwaho icyaha cyo kwivugana umuhanzi AKA, batawe muri yombi.

Ku munsi w’ejo nibwo aya makuru yari yasakaye hose ko abagabo batatu bakekwaho kwica AKA batawe muri yombi.

Aganira na Daily Sun, umuvugizi wa polisi mu burengerazuba bwa Cape Town, Colonel Andre Traut, yatangaje ko abapolisi bo mu ntara nta makuru bafite ku ifatwa ry’aba bakekwa.

Ku rundi ruhande, abapolisi ba KwaZulu-Natal bavuga ko nta makuru mashya kugeza ubu ku bijyanye n’iperereza ku bwicanyi bwakorewe AKA.

Umuvugizi wa polisi ya KZN, Colonel Robert Netshiunda, yatangaje kandi ko abapolisi bazatanga amakuru nyayo mu gihe gikwiye.

Ati: “Nta makuru mashya ku kibazo cya AKA kugeza ubu. Polisi izatanga amakuru nyayo kuri iki kibazo mu gihe gikwiye ”.

Ku munsi w’ejo, ku ya 26 Werurwe, ikinyamakuru IOL cyatangaje ko abantu batatu bakekwaho icyaha bafatiwe i Cape Town.

Iyi nkuru ya IOL, yavugaga ko aba batatu bafatiwe i Cape Town nyuma yo gukurikiranwa no kugendwa runono igihe kirekire