Geovanis
Mu Gushyingo 2021 nibwo inkuru y’urukundo rwa Jeanine na Cyusa rwatangiye kuvugwa cyane mu itangazamakuru bitewe n’amafoto ya bo yagiye hanze bagiranye ibihe bidasanzwe by’urukundo.
Nyuma y’iminsi mike baje kwemeza ko bari mu rukundo ariko muri Gashyantare 2022 baje kubishyira ku mugaragaro ko bari mu munyenga w’urukundo.
Mu gihe barimo bitegura ubukwe, imyiteguro irimbanyije, mu Kwakira 2022 nibwo baje kwemeza ko bamaze gutandukana.
Cyusa yavuze ko mbere yo gukundana na Jeanine Noach, uyu mugore wari usanzwe yubatse, yamubwiye ko yamwihebeye ndetse akamwemerera ko afite umugabo w’imyaka 80, gusa akamubwira ko ari we yishakira.
Icyo gihe ngo yamusabye umwaka wo kubanza agashaka uko iby’imibanire yabo birangira ndetse bakanagabana imitungo, agatangira inzira zabyo binyuze mu nkiko.
Cyusa yavuze ko kuva umugabo wa Jeanine Noach yakwitaba Imana, uyu mukunzi we yahise asiba amafoto bari bafitanye ku mbuga nkoranyambaga, akanamwerurira ko akeneye gutuza akabanza gukurikirana iby’uru rubanza rwe, gusa ngo rukaba rwaraje gusubizwa inyuma n’indirimbo ‘Uwanjye’ ya Cyusa.
Cyusa yahishuye ko ubwo yari mu rukundo n’umukunzi we Jeanine Noach yaje kubyara umwana.
