Nyuma yo kuba Miss inshuro 2 muri Uganda, uyu mukobwa yiteguye gukora impinduka zikomeye mu burezi naba Miss Rwanda 2018

Umuhoza Linda ni umwe mu bakobwa bari guhatanira ikamba rya Nyampinga w’u Rwanda wa 2018, akaba ahamya ko intego ye mu gihe yaba yegukanye ikamba rya Miss Rwanda ari ukwagura uburezi mu Rwanda.

Uyu mukobwa uhamya ko yabaye Nyampinga inshuro ibyiri muri Uganda, ahi yabaye Nyampinga w’ishuri yigagaho i Mbalala muri Uganga mu mwaka wa 2014 ndetse na Nyampinga w’abakiri bato (Miss Teen) muri 2015, ahamya ko kuri we uburezi ari ikintu cy’ibanze mubyo azitaho naramuka atorewe kuba Nyampinga w’u Rwanda wa 2018.

Miss Linda avuga ko kimwe mu byamuteye gufata umushinga wo kuzamura uburezi mu Rwanda bukaba bwiza kurushaho ari uko ubwo yajyaga kwiga Uganda bamwumvishaga ko ariho hari amashuri yigisha kurusha ayo mu Rwanda, ibi bikamutera ishyaka ryo kumva ko n’u Rwanda rwagira amashuri mpuzamahanga, abanyamahanga bagahora bifuza kuza kuyigamo.

Umuhoza Linda yasabye abamushyigikiye kuguma kumushyigikira akabasha kuzakabya inzozi yari afite zo kubona n’abanyamahanga baza kwiga mu Rwanda aho kugira abanyarwanda aribo bahora bajya kwiga hanze.