THIERRY Mugiraneza
Nyuma y’uko abakinnyi ba Arabia Saudite batsinze Argentina ibitego bibiri kuri kimwe mu gikombe cy’Isi mu mukino wakinwe kuwa kabiri, umwami wabo yabageneye igihembo cy’imidoko kuri buri mukinnyi.
Kuwa kabiri ku isaha ya saa sita nibwo habaye umukino wo mu itsinda C wahuje Argentina na Arabia Saudite,Arabia Saudite itsinda ibitego bibiri iturutse inyuma kuko yari yabanjwe gutsindwa igitego cya Penaliti hakiri kare cyane. Nyuma y’uko aba basore batsinze Argentina yari maze imyaka itatu ndetse n’imikino 37 idatsindwa.
Umwami wa Arabia Saudite byaramuneje atanga ikiruhuko kuwa gatatu mu gihugu hose none nubu Igikomangoma Mohammed bin Salman Al Saud yemereye imodoka yo mu bwoko bwa ‘ Rolls Royce Phantom ihagaze arenga miliyoni 350 z’amanyarwanda.
Amakuru dukesha ikinyamakuru Daily Mail avugako atari ubwa mbere abayobozi ba Arabia Saudite bakoze iki gikorwa kuko ngo no mu 1994 bahaye impano y’imodoka Saeed Al- Owarian wari watsinze igitego cyiza Ububirigi bikanezeza abaturage.
