HARAGIRIMANA Dieudonne
Umutoza wa FC Barcelone,Ernesto Valverde umaze hafi amezi 2 atoza iyi kipe,nyuma yo gutangira nabi atsindwa n’ikipe ya Real Madrid mu gikombe cya Supercup,akaba yinjiye mu mateka y’iyi kipe.
Nyuma y’umukino Barca yanyagiyemo ikipe ya Eibar 6-1,uyu mutoza uzwi kw’izina rya El Txingurri bivuze “Urutozi” hariya mu gihugu cya Espanye,yinjiye mu mateka ya FC Barcelone mu batoza batsinze imikino 5 ya mbere muri shampiyona ya La Liga aho asanze abatoza b’ibyamamare nka Louis Van Gaal,Terry Venables,nyakwigendera Tito Vilanova ndetse na Tata Martino kuri urwo rutonde.
Abo batoza bose batsinze imikino 5 ya mbere ya La Liga batoza iyi kipe bose bagiye batwara ibikombe cya shampiyona muri izo saison batangiye neza ukuyemo Tata Martino watwawe igikombe na Atletico Madrid mu mwaka wa 2014.
