Nyuma ya Kigali , Israel Mbonyi ashobora gukorera andi mateka mu Burundi!?

Nyuma y’uko mu mpera z’icyumweru gishize ,ku itariki 25 Ugushyingo 2022 , Israel Mbonyi akoreye amateka mu Bk Arena ,akayuzuza ndetse benshi mu bitabiriye igitaramo cye bakamuvuga ibigwi ,uyu muhanzi yakomereje urugendo rwe mu gihugu cy’abaturanyi cy’Uburundi aho azanosereza umwaka.

Israel Mbonyi ndetse n’itsinda rye basesekaye mu gihugu cy’Uburundi ku munsi wejo hashize kuwa gatatu , ndetse mu mugoroba umwe agirana ikiganiro n’itangazamakuru ,aho yasezeranije abakunzi be igitaramo cy’umwimerere .

Benshi mu bakunzi be barimo n’abanyarwanda biteguye kuzataramana nawe mu bitaramo 2 ,uyu muhanzi afite muri iki gihugu ,aho icyambere kizaba ku itariki 30 Ugushyingo 2022 , mu gihe ikindi kizaba tariki 1 Mutarama 2023 .

Uyu muhanzi azava mu gihugu cy’Uburundi ahita yerekeza muri Australia ,aho akomeje ku murikira abakunzi be umuzingo w’indirimbo ze yise “icyambu” , ubu igisigaye kikaba ari ukumenya niba uyu muhanzi yongera gukora nkibyo yakoreye muri Kigali ku munsi wa Noheli.