Nubwo yaguriwe umuhisi n’umugenzi , Graham Potter utoza Chelsea akomeje kwiyicaza ku ntebe ishyushye!

Ikipe ya Chelsea itozwa na Graham Potter yaraye yongeye kunanirwa kwikura imbere ya Fulham. Chelsea yaraye inganyije na Fulham ubusa ku busa mu mukino w’umunsi wa 22 wa Premier League waraye ukinwe mu ijoro rya keye.
Uyu mukino Graham Potter yarategerejweho kureba uburyo ari bubanze mu kibuga abakinnyi be kuko , Chelsea yari yagaruye abasore bayo barimo Recce James, Rahem Sterling na Ben Chilweel bari bavuye mu mvune , ukongeraho n’abakinnyi bashya ba Chelsea barangajwe imbere na Enzo Fernández baguze za miliyoni z’amayero ndetse na Mykhlo Mudryk wari utegerejwe ku mukino we wa kabiri.

Graham Potter yari yabanje mu kibuga abakinnyi nka Arrizabalaga, Badiashile, Cucurella, James, Thiago Silva, Gallagher, Ziyech, Mount, Enzo Fernández, Mudryk na Havertz.

Umutoza wa Fulham yari yabanje mu kibuga abakinnyi nka Leno, Tete, Robinson, Ream, Diop, Reed, Andreas Pereira, De Cordova-Reid, Willian, João Palhinha na Mitrovic.
Uyu mukino urangira impande zombi zinganya ubusa ku busa. Bituma Chelsea iguma ku mwanya was kenda n’amanota 30 mu gihe Fulham yo yafashe umwanya wa gatandatu n’amanota 32.