“Ntunze amamodoka” Shaddy Boo yamaze amatsiko abafana be ku bibazo bibaza nko ku buzima bwe, ku mashuri yize ndetse no ku bana be

Icyamamare ku mbuga nkoranyambaga Mbabazi Shadia uzwi nka Shaddy Boo yagiranye ikiganiro n’abamukurikira maze abamara amatsiko ku bibazo bifuza ku mumenyaho.

Muri iki kiganiro Shaddy Boo yavuze ko yize Imibare, Ubugenge n’Ubumenyi bw’isi bizwi nka MPG Kandi akaba apima metero 1.70 n’ibiro 73 n’ubwo yifuza kugira byibuze 68-69.

Ku bijyanye n’ubutunzi Shaddy Boo yabajijwe niba atunze imodoka, maze asubiza agira ati: “Yego ariko sintunze imodoka ntunze amamodoka.”

Yatangaje ko kandi kuba abana be atabakorera imbuga nkoranyambaga ari uburyo bwo kubaha uburenganzira ku buryo bifuza kuzabaho ndetse no ku barinda gusa ngo nibakura bazazijyaho.

Ku myaka ye 30 y’amavuko, Shaddy Boo yavuze ku bwiza bwe agira ati: “Imana yangize mwiza ariko na none naniyitaho, kugira nkomeze kurinda ubusugire bw’ubwiza bwanjye.”