“Ntabwo mva muri situdiyo batamaye ayanjye” Umunyamakuru ukunzwe mu Rwanda yaraye muri situdiyo nyuma yo kwamburwa umushahara we na Radiyo akorera

Ku munsi w’ejo hashize nibwo hasakaye impuruza y’umunyamakuru Yves Nkuyemuruge uri kwishyuza Country Fm amafaranga y’umushahara we.

Uyu munyamakuru uvuga ko bamurimo umushahara w’amezi ane, yaraye muri situdiyo za Radiyo aho avuga ko atari buvemo atishyuwe.

Mu kiganiro yagiranye na BB Fm, Yves yavuze ko yahawe ibihumbi 100 mu bihumbi 900 bamurimo, ariko we yarayanze avuga ko ashaka amafaranga ye yose.

Kuri ubu ngo ubuyobozi wa Radiyo bwamubwiye ko bamwirukanye ariko we avuga ko atari buve kuri radiyo batamuhaye amafaranga ye yose.