Ntabumuntu; Umukobwa w’imyaka 16 yabyaye umwana amuta mu musarani wa Kinyarwanda

Umukobwa witwa Uwizeyimana Jeanette uri mu kigero cy’imyaka 16 yabyaye umwana ahita amuta mu musarani wa Kinyarwanda gusa ariko ababyeyi be baje gutara uwo muzirantenge.

Ibi byabaye mu gitondo cyo kuri uyu wa mbere, tariki ya 2 Mutarama 2023 bibera mu mudugudu wa Ruhuha, m Kagari ka Simbwa, mu murenge wa Kabarore.

Uyu mukobwa wari ufite inda ariko akayihisha mu buryo bukomeye, yabyaye umwana mu rukerera rwo kuri uyu wa mbere aho yahise ata uwo mwana mu musarani wa Kinyarwanda. Umwe mu bo mu muryango we niwe wabyutse agiye kwiherera yumva umwana ari kuririra mu musarani ahita ajya gutabaza umuryango wose.

Umuryango watabaranye umwete maze basenya umusarani barokora uwo muzirantenge ataratakaza ubuzima. Uyu muzirantenge na nyina bahise bajyanwa ku kigo nderabuzima kugira ngo bitabweho.