Moïse Habanabashaka
Nta bumuntu bukibaho pe: Ababyaza barashinjwa kugurisha ibice by’imibiri y’impinja
Ababyaza bane bo mu gace ka Tabora mu Burengerazuba bwa Tanzania bari mu nkiko bashinjwa gushaka kugurisha ibice by’imibiri y’impinja ebyiri zavutse ari impanga.
Izi mpinja zavutse ari impanga ariko ku bw’amahirwe make ziza gupfa zikivuka. Abo babyaza bahise bazikuramo bimwe mu bice by’imibiri ngo babigurishe.
Hashyizweho komite idasanzwe ikora iperereza kuri icyo kibazo isanga ni ko byagenze.
Umubyeyi w’izo mpinja yavuze ko yasanze amaso yazo yakuwemo ndetse n’uruhu rwo mu maso rwashishuwe.
Nubwo abana bapfuye bakivuka, raporo y’iperereza igaragaza ko bazize kutitabwaho, nk’uko BBC yabitangaje.
