Nina yasubije ku mubano wihariye na Dj Pius wifitiye umugore

Haba mu Rwanda ndetse no hanze yarwo biragoye kubona igitaramo cyateguwe n’itsinda rya Charly na Nina hatarimo Dj Pius.

Amakuru dukesha  Izuba Rirashe  avuga ko   Fatuma Nina, umwe mu bakobwa bagize iri  itsinda yahakanye yivuye inyuma ibyo bamwe bafata nk’umubano wihariye aba bakobwa bombi baba bafitanye na Dj Pius wifitiye urugo

Yagize ati “Nta kintu kidasanzwe cyihishe inyuma y’umubano dufitanjye na Dj Pius usibye ko ari inshuti yacu magara ndetse no kuba mu bitaramo bitworohera gukorana nawe.”

Yavuze ko nta  gahunda yo kwihuza nawe.

Indirimbo bise ‘Indoro’ iri tsinda ryakoranye na Big Fariouz umuhanzi ukomoka mu Burundi n’iyo yatumye bamenyekana ndetse ni na yo  yujuje abarenga miliyoni ku rubuga rwa Youtube mu bahanzi bakorera muzika ya bo mu Rwanda.

Iyi ndirimbo yageze ku  urubuga rwa youtube  ku itariki ya 30 Ugushingo 2015, imaze kurebwa n’abarenga miliyoni imwe 1,262,934.

Kuri ubu  itsinda rya Charly na Nina rifite indi ndirimbo ikunzwe yitwa   Owooma bakoranye n’umuhanzi w’Umugande witwa Geosteady.

Zimwe mu ndirimbo baririmbye harimo iyitwa Agatege, Bye bye n’izindi.