Epaphrodite Nsengimana
Ku munsi w’ejo ku wa Gatatu tariki 24 Gicurasi 2023, abakinnyi batandukanye b’ibyamamare muri ba filime nyarwanda bafashe mu mugongo Mukakamanzi Beatha uzwi nka Mama Nick wapfushije umuhungu we bamufasha kumuherekeza bwa nyuma.
Ni umuhango wabereye mu mujyi wa Kigali, i Nyamirambo murugo kwa Mama Nick, ukomereza ku irimbi rya Rugerero.
Muri uyu muhango waranzwe n’amarira menshi witabiriwe n’inshuti, abo mu muryango we, ndetse n’abakinnyi batandukanye muri filime nyarwanda nka Papa Sava, Ndimbati, Nick, Killaman, Nyambo ndetse n’abandi benshi.
Uyu mwana wa Mama Nick witabye Imana yitwa Uwitonze Fabrice yapfuye ku wa Gatanu, tariki 19 Gicurasi 2023, azize irwara ya kanseri y’umutima.
