Ni iki cyabaye ngo abafana ba Chelsea bisange bameze nk’abugamye munsi y’umureko?

Abafana b’ikipe ya Chelsea batangiye ibisa nk’imyigaragabyo kubera ibihe iyi kipe iherereye i London irimo.
Ikipe ya Chelsea kuri ubu ni imwe mu makipe ari mu bihe bigoye buri mukunzi w’umupira w’amaguru atakwifuza kubona ikipe ye ibirimo. Ubwo imikino y’igikombe cy’isi yarirangiye amakipe yagarutse gukina imikino y’imbere mu bihugu harimo Champion n’ibindi bikombe , Chelsea yasubukuye neza kuko umukino wa mbere yakinnye yatsinze ibitego bibiri ikipe ya AFC Bournemouth, ubwo Chelsea yatsindaga uyu mukino abafana bayo to bongeye kugarura ikizere ko iyi kipe igarutse mu bihe byiza dore ko mbere y’uko Igikombe cy’isi gitangira Chelsea yarimaze imikino 5 itazi gutsinda uko bisa.

Kugeza ubu Chelsea imaze gutsinda umukino umwe gusa mu mikino irindwi iheruka, ikindi giteye agahinda nuko gusa muri uku kwezi kwa mbere Chelsea yamaze gusezererwa mu marushanwa yose akinwa mu Bwongereza harimo FA Cup na Crabao Cup ubu Chelsea irarushwa amanota 10 n’ikipe ya Manchester United iri ku mwanya wa kane, igisobanuro cy’uko no kuzabona itike y’imikino ya Champions League ari amagorane.

Graham Potter utoza Chelsea arasaba abafana ba Chelsea kwihangana bagategereza kuko ngo uyu mugabo yahuye n’ibibazo byo kuvunikisha abakinnyi bakomeye nka Mendy, Fofana, Recce James, Ben Chilweel, Mason Mount, Pulisic na Rahem Sterling tutibagiwe na Ngolo Kante ndetse na Broja wabafashaga gushaka ibitego mu gihe bisa nk’aho Aubameyang we byashize mu maguru.