Social Mula
Myugariro wa Mukura VS, Biraboneye Aphrodis bakunda kwita Bingwa yaraye atawe muri yombi azira ubutumwa mpimbano bwerekana ko atanduye coronavirus asanzwe aziko ayirwaye.
Uyu musore yatawe muri yombi ubwo yari ari i Huye aho yari yagiye gukora ikizamimi cy’uruhushya rw’agateganyo rwo gutwara ibinyabiziga yasabwa ubutumwa bugaragaza ko atanduye coronavirus akerekana ubutari bwo nkuko amakuru dukesha BNB FM Umwezi abitugezaho.
Ubusanzwe, iyo umuntu agiye gukora ibizamimi by’impushya z’agateganyo zo gutwara ibinyabiziga yerekana ubutumwa bugaragaza ko atanduye coronavirus.
Biraboneye w’imyaka 26 asanzwe ari myugariro w’iburyo muri Mukura Victory Sports.
Umuvugizi wa Polisi mu Ntara y’Amajyepfo, SP Théobald Kanamugire yemeje bidasubirwaho ko uyu mukinnyi yatawe muri yombi nyuma yo guhimba ubutumwa bugaragaza ko atanduye coronavirus kandi yari asanzwe azi ko ayirwaye.
Mu kiganiro Théobald yagiranye na IGIHE yagize ati: “Yahimbye icyemezo cya RBC cy’uko yipimishije coronavirus kandi ari muzima, nyamara ni ‘message’ umuntu yamwoherereje arangije asiba ahari handitse uwayohereje ashyiraho RBC kandi azi neza ko arwaye kuko yari afite indi igaragaza ko arwaye.”
Umukinnyi wa @MukuraVS Biraboneye Aphrodis bakunda kwita “Bingwa” yatawe muri yombi i Huye kuri uyu wa 1.
Yafashwe na @Rwandapolice agiye gukora ikizami cy’agateganyo cyo gutwara imodoka, afite ubutumwa bwerekena ko atanduye COVID19 butari bwo.
Ni Right Back.
@bbfmumwezi pic.twitter.com/Gv2anunAhy
— IMFURAYACU Jean Luc (@imfuraluc01) January 11, 2022
