Mvukiyehe Juvenal yahaye ubutumwa bukomeye APR FC ikomeje kwigamba kuba iyoboye urutonde kugeza ubu

Ikipe ya Kiyovu Sports imeze neza muri iyi minsi, ikomeje gukora ibikorwa bitandukanye byerekana ko ishaka igikombe nubwo bitoroshye ihanganye na APR FC.

Ku munsi wo Kuwa Gatandatu tariki ya 15 mata 2023, ikipe ya Kiyovu Sports yakiriye ikipe ya AS Kigali umukino uza kurangira Ikipe ya Kiyovu Sports itsinze igitego 1-0 cyabonetse mu minota ya nyuma ibintu byagoranye cyane gitsinzwe na Erissa Seksambo.

Ubu sibwo butumwa Mvukiyehe Juvenal yatanze kuri APR FC, ahubwo igikomeye cyane ni agahimbazamusyi uyu mukire yahaye abakinnyi ba Kiyovu Sports ndetse anabizeza gukomeza kubakorera ibyiza nabo bagakomeza gutsinda umukino ku wundi. Amakuru YEGOB twamenye ni uko kugeza ubu abakinnyi b’iyi kipe baraherezwa Prime ingana n’ibihumbi 130 kuri buri umwe kandi arakomeza kwiyongera.

Mvukiyehe Juvenal mu kiganiro gito yahaye bagenzi bacu b’abanyamakuru bari bitabiriye uyu mukino wabafashije kuba banganya amanota na APR FC kugeza ubu, yavuze ko ibintu kugeza ubu biteguye neza ntakibazo kiri muri Kiyovu Sports ahubwo ikipe ya APR FC igomba kudakomeza kwizera igikombe kuko nabo barahari kandi babyerekanye.

Gutsinda ku ikipe ya Kiyovu Sports byatumye igira amanota 53 iri ku mwanya wa kabiri inganya amanota na APR FC iri ku mwanya wa mbere ariko kubera ibitego Gitinyiro izigamye bituma iba iyoboye urutonde rw’agateganyo kugeza ubu.