THIERRY Mugiraneza
Ikipe y’igihugu y’Ubwongereza yatsinze Iran bitego bitandatu kuri bibiri mu mukino wa bahuja wo mu itsinda B mu gikombe cy’Isi.
Ni umukino wabereye kuri Khalifa International Stadium utangira ku isaha ya saa kenda z’umugoroba.
Umutoza w’Ubwongereza Gareth Southgate yari yabanje mu kibuga Abakinnyi nka:Pickford,Maguire,JonesStone,Trippier,Luke Shaw,Rice,Jude Bellingham, Mason Mount, Sterling,Saka Harry Kane .
Ubwongereza bwatangiye bwataka ubona bunyoteye itsinzi kuko bidatinze ku munota wa 28 Harry Maguire yateye umutwe ku mupira mwiza yarahawe na Luke Shaw ariko unyura hanze.
Ku munota wa 35 gusa byari bihagije ngo Irani itsindwe igitego cya mbere,Jude Bellingham yatsinze igitego ku mupira mwiza yarahawe na Luke Shaw.
Bidatinze ku munota wa 44 Bukayo Saka yatsinze igitego cya kabiri cy’Ubwongereza ku mupira yarahawe na Harry Maguire.
Mbere y’uko bajya kuruhuka Ubwongereza bwabonye igitego cya gatatu gitsinzwe na Rahem Sterling ahawe umupira na Harry Kane.
Igice cya kabiri cyatangiye Ubwongereza bukirusha Irani kuko nko ku munota wa 53 Rahem Sterling yazamukanye umupira wenyine ariko umukinnyi wa Irani akahagoboka.
Irani yagaragaza intege nke yaje gutsindwa igitego cya kane cyatsinzwe na Bukayo Saka yarararitse Ubwugarizi bwose bwa Irani.
Ku munota wa 65 biturutse ku makosa y’ubwugarizi bwa Bongereza Irani yatsinze igitego cya mbere cyatsinzwe na Tarem.
Gareth Southgate utoza Ubwongereza ku munota wa 70 yakoze impinduka akuramo Harry Maguire warugize ikibazo cy’imvune ashyiramo Eric Dier, akuramo Bukayo Saka, Sterling na Mason Mount ashyiramo Foden, Rashford na Grealish.
Bidatinze Rashford akijyamo ku munota wa 71 yatsinze igitego cya gatanu cy’Ubwongereza.
Ubwongereza bwakomeje kwataka ku munota wa 90 Jack Grealish yaysinze igitego cya gatandatu cy’Ubwongereza.
Iminota 90 isanzwe y’umukino yarangiye umusifuzi yongeraho iminota 10 yinyongera.
Irani yaje kubona igitego cya kabiri kivuye kuri Penaliti umukino unarangira Ari Ibitego bitandatu kuri bibiri.
