Morocco ihannye Canada biyihesha itike ya 1/8 mu gikombe cy’isi, Ububirigi butaha imburagihe

Morocco itsinze Canada Ibitego bibiri kuri kimwe mu mukino wa nyuma wo mu itsinda F ihita ibona na tike ya 1/8.
Abakinnyi babanjemo ku ruhande rwa Canada:
Canada XI : Borjan; Johnston, Adekugbe, Miller, Vitoria, Hoilett; Buchanan, Kaye, Larin, Davies; Osorio.

Uyu mukino wabeye kuri Al Thumama Stadium utangira ku isaha ya saa kumi n’imwe.
Abakinnyi babanjemo ku ruhande rwa Morocco:
Morocco XI: Bono; Hakimi, Saïss, Aguerd, Mazraoui; Amrabat, Ounahi, Sabiri; Boufal, En-Neysri, Ziyech.

Morocco niyo yinjiye mu mikino neza kuko byibuze ku munota wa 4 Hakim Ziyech yaramaze gutsinda igitego cya mbere ku mupira yiherewe n’umuzamu maze Ziyech amuroba agapira kijyana mu izamu.
Morocco yakomeje ishaka gutsinda igitego cya kabiri binyuze ku basore nka Ziyech na Boufal.

Ku munota wa 14 Canada yahushije igitego ubwo Davies yazamukanaga umupira yihuta akawuhindura imbere y’izamu rya Morocco ashaka Buchanan ariko umupira uba muremure.
Ku munota wa 23 Yusuf En-Neysri wa Morocco yatsinze igitego cya kabiri ku mupira yaherewe kure na Ashilaf Hakim ariruka asiga ba myugariro ba Canada atera agapira umuzamu ntiyamenya uko bigenze.
Morocco yari yakambitse imbere y’izamu rya Canada yongeye guhusha igitego ubwo Hakim yahinduraga umupira mu rubuga rw’amahina rwa Canada,Boufal yashaka gutsinda igitego ubwugarizi bwa Canada bugatabara.

Canada yaje kubona igitego cyayo cya mbere ubwo Neyef Aguerd yutsindaga igitego ku mupira waruhindiuwe na Larin.
Mu minota itanu bongeyeho nk’inyongera z’iguce cya mbere Yusuf En-Neyesri yatsinze igitego ku mupira yarahawe na Ziyech ariko umusifuzi aracyanga yemeza ko habayemo kurarira
Igice cya mbere cyarangiye Morocco ariyo irimbere n’ibitego bibiri kuri kimwe cya Canada.
Igice cya kabiri cyatangiye Canada ishaka uburyo yakwishyura igitego cya kabiri ariko ubwugarizi bwa Morocco bugakomeza kuba ibamba.

Ku munota wa 73 Canada yahushije igitego kidahushwa ubwo Alistair Johnstonn yateraga umupira akotesheje umutwe ariko umupira widundira mu murongo w’izamu.
Umukino waje kurangira Morocco itinze Ibitego bibiri kuri kimwe cya Canada.
Amakipe yabonye itike yo kujya muri 1/8 my itsinda F ni Morocco na Croatia.